जिल्हा परिषद प्राथमिक शाळा वेडद च्या 4 विद्यार्थ्यांची नवोदय विद्यालयात प्रवेशासाठी निवड….🔵

17 मार्च 2026 रोजी नवोदय चा निकाल जाहीर झाला . वेडदच्या शिक्षक – विद्यार्थी – पालक या त्रिकुटाच्या परिश्रमाला भरभरून यश मिळाले . छोट्याशा वेडद गावाच्या शाळेतून 4 विद्यार्थी नवोदय विद्यालयात प्रवेशास पात्र ठरले . यामध्ये विद्यार्थी – पालक – शिक्षक या समन्वयानेच हे यश मिळाले . खेड्यापाड्यात सुद्धा ही गुणवत्ता आहे, गरज आहे ती फक्त योग्य समन्वयाची . तो समन्वय वेडद या गावात साधला गेला .त्यामुळे सुरुवातीला 2 विदयार्थी मागील वर्षी 2 विद्यार्थी तर या वर्षा 4 विद्यार्थी पात्र ठरले . या गुणवत्तापूर्ण यशाच कौतुक करण्यासाठी समस्त वेडद ग्रामवासी , शिक्षकवृंद , मित्रमंडळी , आप्तेष्ट नातेवाईक यांच्याकडून अभिनंदनाचा वर्षाव झाला . त्याचप्रमाणे शिक्षणविभाग झरी चे कर्तव्यदक्ष गटशिक्षणाधिकारी सन्मा. श्री खैरनार साहेब , केंद्रप्रमुख श्री उदार सर , केंद्रप्रमुख श्री आरमुरवार सर , आमचे शेजारी श्री अक्केवार सर , श्री राजुलवार सर तसेच श्री कडू सर यांनी शाळेला सदिच्छा भेट देऊन पात्र विद्यार्थी – पालक – शिक्षकांचे अभिनंदन करून कौतुकाचा वर्षाव केला . मान्यवरांनी अनमोल मार्गदर्शन करून विद्यार्थ्यांना भविष्यकाळात यशस्वी होण्यासाठी भाषणातून दिशा दिली . याप्रसंगी मा . खैरनार साहेबांनी पात्र विद्यार्थ्यांना बक्षिस स्वरूपात कंपासपेटी देऊ केले . मा. श्री काटकर साहेबांनी संदेशामार्फत सर्व मुलांचे अभिनंदन केले .तसेच श्री अक्केवार सर यांनी या मुलांना इंग्रजी डिक्शनरी बक्षिस देण्याचे जाहीर केले . सर्व मान्यवरांनी उपस्थित राहून कार्यक्रमाची शोभा वाढवली .
एक जबाबदार मुख्याध्यापक म्हणून श्री नानाजी लोहकरे सर , वर्ग शिक्षक म्हणून श्री ठकसेन पेंदोर सर , श्री तेजस सर , श्री मेश्राम सर , श्री धारणे सर यांचे मार्गदर्शन , अध्यक्ष तथा समस्त शा . व्य. समिती ने कुठेही कसर सोडली नाही . विद्यार्थी व पालकांनी सुद्धा आमच्या प्रयत्नाला मोठ्या कष्टाने साद व साथ दिली . परिणामी अतिशय चांगल्या गुणांनी विद्यार्थ्यानी आपला प्रवेश नवोदय विद्यालयात मेहनतीने निश्चित केला . अशा अथक परिश्रमाने आजचा आनंददायी दिवस सर्वांना अनुभवास मिळाला. खऱ्या अर्थाने दिवसरात्र एकत्र करून पेंदोर सर यांनी वेळेचे भान नं ठेवता त्या छोट्याशा विद्यार्थ्यांना त्यांच्या ध्येयापर्यंत पोहचवून यश प्राप्त करून दिले. म्हणून विद्यार्थी आणि पालकवर्ग यांना त्या गुरु मध्ये त्यांच्या मुलांचं भविष्य दिसत होत.त्या गुरु बद्दल बोलायचं म्हटलं तर शब्द अपुरे पडतील असे त्यांनी स्पष्टपणे सांगितले. झरी तालुक्यातील दुर्गापूर , खातेरा व आर्या स्कूल मधील सर्व पात्र विद्यार्थ्यांचे खूप खूप अभिनंदन !!आणि शेवटी सर्व ग्रामस्थांनी शिक्षकांचे मनापासून आभार मानले.