उदगीर (प्रतिनिधी) :
ग्राहक समिती महाराष्ट्र राज्य व ग्राहक जनजागरण व मार्गदर्शन संस्था महाराष्ट्र राज्य यांच्या संयुक्त विद्यमाने रविवार, दि. १५ मार्च २०२६ रोजी जागतिक ग्राहक हक्क दिन मोठ्या उत्साहात साजरा करण्यात आला. हा कार्यक्रम श्री हावगीस्वामी महाविद्यालय, उदगीर येथील सभागृहात पार पडला.
कार्यक्रमाच्या अध्यक्षस्थानी प्राचार्य डॉ. ए. ए. काळगापुरे होते. प्रमुख पाहुणे म्हणून डॉ. एन. जी. यमेकर, डॉ. एस. डी. लोहारे, डॉ. ए. आर. कवठाळे, प्रा. मनोहर भालके, दत्ता बिरादार, राम राठोड आदी मान्यवर उपस्थित होते.
यावेळी प्रमुख मार्गदर्शक म्हणून तानाजीराव नरहरीराव गुंड (संस्थापक राज्याध्यक्ष), सतीशकुमार बुरगुटे (प्रदेश कार्याध्यक्ष), बी. जी. शिंदे तसेच बालासाहेब शिंदे, प्रा. डॉ. अविनाश प्रभातराव पाटील, प्रा. डॉ. सुनील यशवंतराव ढगे, प्राचार्य व्ही. एस. कणसे, आर. एन. जाधव, प्रा. विकास पाटील आदी उपस्थित होते.
या कार्यक्रमात ग्राहक समिती महाराष्ट्र राज्याची नवीन कार्यकारिणी जाहीर करण्यात आली. यामध्ये बी.जी. शिंदे अतनूरकर यांची राज्य प्रदेश संघटक तथा मराठवाडा अध्यक्षपदी निवड करण्यात आली असून त्यांना मान्यवरांच्या हस्ते नियुक्तीपत्र देण्यात आले.
तसेच उदगीर तालुकाध्यक्षपदी प्राचार्य व्यंकटराव कणसे, कार्याध्यक्षपदी प्रा. डॉ. अविनाश पाटील, उपाध्यक्षपदी प्रा. डॉ. सुनील ढगे यांची निवड करण्यात आली. इतर पदाधिकाऱ्यांचीही नियुक्ती करण्यात आली.
या संस्थांचे मुख्य उद्दिष्ट ग्राहकांना सदोष वस्तू, अपुरी सेवा आणि सायबर फसवणुकीविरोधात जागरूक करणे तसेच तक्रार निवारण मंचाद्वारे न्याय मिळवून देणे हे आहे. नव्याने जाहीर झालेली कार्यकारिणी ग्राहक हक्कांच्या संरक्षणासाठी सक्रियपणे कार्य करणार असल्याचा विश्वास व्यक्त करण्यात आला.
कार्यक्रमास विद्यार्थी, पालक, युवक-युवती, पदाधिकारी, कर्मचारी आणि ग्राहक स्वयंसेवक मोठ्या संख्येने उपस्थित होते.
