श्री संत बाळूजी बाबा यांच्या नगरीत मोजे ढोराळे येथे सद्गुरु बाळूमामा यांच्या पालखीचे आगमन झाले असून गावात भक्तीमय वातावरण निर्माण झाले आहे. या पालखीचा ढोराळे नगरीत पाच दिवस मुक्काम राहणार आहे.
पालखीसोबत बाळूमामांची मेंढरेही गावात दाखल झाल्याने भक्तांमध्ये विशेष उत्साह पाहायला मिळत आहे. दररोज सकाळी ७ वाजता आरती, सकाळी ८.३० वाजता महाप्रसाद, तसेच रात्री ८.३० वाजता आरती व त्यानंतर महाप्रसाद असा कार्यक्रम आयोजित करण्यात आला आहे.
समस्त ग्रामस्थांच्या वतीने पाच दिवस महाप्रसादाचे नियोजन करण्यात आले असून रात्री महाप्रसादानंतर भजनी मंडळ, ओव्या यांसारखे धार्मिक कार्यक्रमही होत आहेत.
ढोराळे परिसरातील विविध गावांमधून मोठ्या संख्येने भाविक रात्रीच्या आरतीसाठी उपस्थित राहत असून गावात सर्वत्र बाळूमामाच्या नामाचा जयघोष घुमत आहे.
