जिल्हा परिषद मराठी प्राथमिक शाळा, पळसखेडे काकर येथील इयत्ता पाचवीचा विद्यार्थी कृष्णा प्रवीण राठोड याने नवोदय परीक्षेत यश संपादन करत शाळेच्या इतिहासात नवा मानाचा अध्याय लिहिला आहे.
या वर्षी प्रथमच इयत्ता पाचवीचा वर्ग सुरू करण्यात आला होता आणि पहिल्याच वर्षी विद्यार्थ्याने मिळवलेले हे यश विशेष उल्लेखनीय मानले जात आहे. कृष्णा राठोड हा नवोदय परीक्षेत निवड होणारा शाळेतील पहिला विद्यार्थी ठरला आहे.
या यशाबद्दल त्याचे सर्वत्र कौतुक होत असून, त्याला मार्गदर्शन करणाऱ्या शाळेतील सर्व शिक्षकांचेही अभिनंदन करण्यात येत आहे.
शिक्षकांच्या मेहनतीमुळे आणि विद्यार्थ्यांच्या जिद्दीमुळे भविष्यातही असेच यश मिळवत शाळेचे नाव उंचावेल, अशी अपेक्षा व्यक्त करण्यात येत आहे. 💐
