पुणे (प्रतिनिधी) : युवा क्रांती फाउंडेशनच्या पश्चिम महाराष्ट्रातील पदाधिकाऱ्यांची फेरनियुक्ती व पदोन्नती निमित्त “सत्कार व मार्गदर्शन समारंभ” २५ मार्च २०२६ रोजी आयोजित करण्यात आला आहे. हा समारंभ कात्रज परिसरातील एस पी इंटरनॅशनल स्कूल येथे दुपारी ३ ते ५ या वेळेत होणार आहे.
या कार्यक्रमात नवनियुक्त व पदोन्नती झालेल्या पदाधिकाऱ्यांचा सत्कार करण्यात येणार असून, त्यानंतर वरिष्ठ पदाधिकाऱ्यांचे मार्गदर्शन होणार आहे. तसेच उर्वरित कार्यकारिणी पूर्ण करणे आणि पश्चिम महाराष्ट्रात संघटना अधिक मजबूत करण्यासाठी पुढील कार्यक्रमाची रूपरेषा निश्चित करण्यात येणार आहे.
कार्यक्रम वेळेत सुरू होणार असल्याने सर्व पदाधिकारी व सदस्यांनी दुपारी २.४५ पर्यंत उपस्थित राहावे, असे आवाहन आयोजकांनी केले आहे.
या समारंभाचे नियोजन राष्ट्रीय संघटक डॉ. राजेश्वर हेंद्रे, महाराष्ट्र प्रदेश युवा अध्यक्ष शिवाजीराव शेलार, पश्चिम महाराष्ट्र अध्यक्ष अनिल रेळेकर आणि पुणे शहराध्यक्ष अमर अरुण सोकांडे यांच्या मार्गदर्शनाखाली करण्यात आले आहे.
युवा क्रांती फाउंडेशनच्या सर्व पदाधिकारी व सदस्यांनी मोठ्या संख्येने उपस्थित राहून कार्यक्रम यशस्वी करावा, असे आवाहन करण्यात आले आहे.
