सोलापूर (शेळगी) : येथील सर्पमित्र संतोष सुनील बगले यांना त्यांच्या वन्यजीव संरक्षणातील उल्लेखनीय कार्याबद्दल ‘वन्यजीव निसर्ग रक्षक’ पुरस्काराने गौरविण्यात आले.
महाराष्ट्र राज्यस्तरीय वन्यजीव निसर्ग संवर्धन रेस्क्यू टीम, जुन्नर (पुणे) यांच्या वतीने हा सन्मान प्रदान करण्यात आला. सर्पसंरक्षण, वन्यप्राणी बचाव कार्य तसेच जनजागृतीच्या माध्यमातून समाजप्रबोधन केल्याबद्दल त्यांच्या कार्याची दखल घेण्यात आली.
वन्यजीव संरक्षणासाठी सातत्याने कार्यरत राहून नागरिकांमध्ये जागरूकता निर्माण करणाऱ्या संतोष बगले यांच्या या यशाचे सर्व स्तरांतून कौतुक होत आहे.
