तांभा (ता. देवळी) / प्रतिनिधी — तांभा (येंडे) येथील पवित्र श्री तीर्थक्षेत्र रामेश्वर देवस्थान येथे रामनवमीच्या निमित्ताने श्री राम कथा ज्ञानयज्ञ व अखंड हरिनाम सप्ताहाचे आयोजन करण्यात आले आहे. दरवर्षीप्रमाणे यंदाही हा धार्मिक सोहळा संत परंपरेने पावन झालेल्या या भूमीत भक्तिभावाने साजरा केला जात आहे.
या सप्ताहात शेगाव (खूपगावकर) येथील ह.भ.प. नागेश महाराज देशमुख हे श्री राम कथा वाचन करत असून, विविध कीर्तनकार, गायक व वादक सहभागी होत आहेत.
दैनंदिन कार्यक्रम :
▪️ पहाटे ५.०० वाजता – काकड आरती
▪️ सकाळी ६.०० वाजता – रामधून
▪️ सायंकाळी ७.०० वाजता – हरिपाठ
▪️ त्यानंतर – महाप्रसाद
विशेष कार्यक्रम :
▪️ दि. २६ मार्च २०२६ (गुरुवार) सायं. ५.०० वाजता – भव्य पालखी मिरवणूक
▪️ दि. २७ मार्च २०२६ (शुक्रवार) दुपारी १२.०० वाजता – ह.भ.प. नागेश महाराज देशमुख यांचे काल्याचे कीर्तन व त्यानंतर महाप्रसाद
या धार्मिक सोहळ्यासाठी परिसरातील भाविक मोठ्या संख्येने उपस्थित राहत असून, श्री रामेश्वराच्या कृपेने वातावरण भक्तिमय झाले आहे. आयोजकांनी सर्व भाविकांनी उपस्थित राहून या सप्ताहाचा लाभ घ्यावा, असे आवाहन केले आहे.
