परभणी / प्रतिनिधी :
रमजान ईदच्या निमित्ताने Suniel Shetty (अन्ना) यांनी मानवत येथे भेट देत राज बेलदार संघटनेचे राज्याध्यक्ष मुस्तखीम बेलदार यांची सदिच्छा भेट घेतली. त्यांच्या आगमनामुळे परिसरात उत्साहाचे वातावरण निर्माण झाले.
यावेळी मुस्तखीम बेलदार यांच्या वतीने सुनील शेट्टी यांचा शाल, श्रीफळ व पुष्पहार देऊन सत्कार करण्यात आला. दोन्ही मान्यवरांमध्ये सामाजिक बांधिलकी, समाजातील विविध प्रश्न तसेच विकासात्मक उपक्रमांवर सकारात्मक चर्चा झाली.
कार्यक्रमास मा. जि. प. सदस्य शेख रहीम, उद्योजक माजेद पठाण, समाजसेवक एकबाल राज यांच्यासह अनेक मान्यवर उपस्थित होते.
या भेटीमुळे समाजात ऐक्य व सलोखा अधिक दृढ होण्यास मदत होणार असल्याची भावना उपस्थितांनी व्यक्त केली.
