शहादा (प्रतिनिधी): पूज्य साने गुरुजी विद्या प्रसारक मंडळाचे क्रीडांगण येथे तीन दिवस चाललेल्या टीचर्स प्रीमियर लीग (TPL) २०२६ – सिझन ३ स्पर्धेच्या अंतिम सामन्यात बिस्की रॉयल्स, नंदुरबार संघाने अप्सरा फायटर, शिरपूर संघावर मात करत सलग दुसऱ्या वर्षी विजेतेपद पटकावले.
या स्पर्धेचे आयोजन मंडळाचे अध्यक्ष बापूसाहेब दीपकभाऊ पाटील यांच्या संकल्पनेतून व समन्वयक तसेच नंदुरबार जिल्हा क्रिकेट असोसिएशनचे अध्यक्ष प्रा. मकरंदभाई पाटील यांच्या मार्गदर्शनाखाली करण्यात आले.
🏏 अंतिम सामन्यातील निकाल
- 🏆 विजेता: बिस्की रॉयल्स, नंदुरबार (कर्णधार – ज्ञानेश्वर पाटील)
💰 रोख २३,३३३ रुपये व ट्रॉफी - 🥈 उपविजेता: अप्सरा फायटर, शिरपूर (कर्णधार – राजेश राठोड)
💰 रोख १३,३३३ रुपये व ट्रॉफी
🌟 वैयक्तिक पारितोषिके
- मॅन ऑफ द मॅच – गौरव सूर्यवंशी
- मॅन ऑफ द सिरीज – राजेश राठोड
- बेस्ट बॉलर – राजेश राठोड
- बेस्ट बॅट्समन – राजेश राठोड
- बेस्ट विकेटकीपर – गौरव सूर्यवंशी
- बेस्ट फिल्डर – अनिल ठाकरे
- बेस्ट कॅच – प्रवीण मराठे
- फेअर प्ले अवॉर्ड – टीचर सुपर किंग, नंदुरबार
स्पर्धेत सहभागी सर्व संघांना सहभाग ट्रॉफी देण्यात आली तसेच सर्व खेळाडूंना आकर्षक पदके देऊन सन्मानित करण्यात आले.
👥 मान्यवरांची उपस्थिती
बक्षीस वितरण सोहळ्याच्या अध्यक्षस्थानी प्राचार्य डॉ. एम. के. पटेल होते. प्रमुख पाहुणे म्हणून डॉ. स्वप्निल सोनार, प्रा. वैभव काळे, बाळाभाऊ राजपूत, प्रतिक पाटील, महाराष्ट्र राज्य खो-खो असोसिएशन चे सहसचिव डॉ. राजेश सोनवणे, तसेच प्रा. डॉ. अरविंद कांबळे, डॉ. महेश जगताप, डॉ. जितेंद्र माळी आदी उपस्थित होते.
💬 प्राचार्य पटेल यांचे प्रतिपादन
यावेळी प्राचार्य डॉ. एम. के. पटेल यांनी सांगितले की, “वयाच्या चाळिशीनंतरही खेळाडू उत्तम कामगिरी करत आहेत, हे नियमित व्यायाम, योग व मैदानावरील सरावाचे फळ आहे. ताणतणाव कमी करण्यासाठी आणि शारीरिक-मानसिक आरोग्य टिकवण्यासाठी खेळ अत्यंत महत्त्वाचा आहे.”
कार्यक्रमाचे सूत्रसंचालन प्रा. डॉ. अरविंद कांबळे यांनी केले तर आभार प्रदर्शन डॉ. महेश जगताप यांनी मानले.
