सेलू (प्रतिनिधी): सेलू तालुक्यातील ब्राम्हणी (किन्ही मोही शिवार) येथे एका ५५ वर्षीय शेतकऱ्याचा मृत्यू झाल्याची दुर्दैवी घटना घडली आहे. या घटनेमुळे परिसरात हळहळ व्यक्त करण्यात येत आहे.
मृत व्यक्तीचे नाव दिलीप चंद्रूजी गावंडे (वय ५५) असे आहे. प्राथमिक माहितीनुसार, ते काही दिवसांपासून शारीरिक आजार व मानसिक तणावामुळे त्रस्त असल्याची चर्चा आहे. मंगळवार, २४ मार्च रोजी सकाळी सुमारे १० वाजण्याच्या दरम्यान त्यांच्या राहत्या घराशेजारी ही घटना घडल्याचे सांगितले जात आहे.
या घटनेनंतर गावात शोककळा पसरली असून, गावंडे यांच्या पश्चात पत्नी व मुलगी असा परिवार आहे. त्यांच्या अचानक जाण्याने ब्राम्हणी गावातील नागरिकांनी दुःख व्यक्त केले आहे.
या प्रकरणी देवेंद्र ठाकूर यांच्या मार्गदर्शनाखाली सेलू पोलीस पुढील तपास करीत आहेत.
