पुणे (प्रतिनिधी): तितिक्षा इंटरनॅशनल संस्था, पुणे यांच्या वतीने आयोजित तितिक्षा कला संमेलन व पुरस्कार वितरण सोहळ्यात पुणे येथील वसुधा वैभव नाईक यांना ‘तितिक्षा प्रमोद मातृगौरव पुरस्कार २०२६’ प्रदान करून सन्मानित करण्यात आले.
संस्थेच्या संस्थापिका प्रिया प्रमोद दामले असून अजया व अजिता मुळीक या संस्थेच्या प्रमुख आहेत. दि. २२ मार्च २०२६ रोजी पार पडलेल्या या सोहळ्यात काव्यलेखन, मातृगौरव यांसह विविध पुरस्कारांचे वितरण करण्यात आले. मातृगौरव विभागात सुमारे ४० महिलांचा सन्मान करण्यात आला, त्यामध्ये वसुधा नाईक यांचा समावेश होता.
या कार्यक्रमात युगंधरा प्रकाशन, संभाजीनगर यांच्या पाच पुस्तकांचे प्रकाशन करण्यात आले. त्यामध्ये नीला चित्रे यांच्या “इच्छापूर्ती” आणि “अभिलाषा” या पुस्तकांचा समावेश होता.
👥 मान्यवरांची उपस्थिती
कार्यक्रमास प्रमुख पाहुणे म्हणून अमृत बिराजदार, शोभा जोग, महेंद्र गवई, राजेंद्र खर्डे, विजय पटवर्धन, शंकर अंदानी, शहाजीराव पाटील, तृप्ती देसाई, मधुसूदन घाणेकर आदी मान्यवर उपस्थित होते.
तसेच रवींद्र गाडगीळ, अमोल काळे, सुनिता कावसनकर, अनिता टिळेकर, सुजित दातार, विठ्ठल मुरकेवार, भालचंद्र शिर्के, आर्यन खैरे, निलेश दातार आदी मान्यवरांची उपस्थिती लाभली.
🎭 काव्यसंमेलनाची रंगत
महाराष्ट्रातील विविध भागांतून आलेल्या कवींनी सादर केलेल्या हास्य, वारकरी संप्रदाय, तसेच परीक्षाविषयक कवितांनी कार्यक्रमाला विशेष रंगत आणली. प्रिया दामले यांच्या ५०व्या वाढदिवसानिमित्तही विशेष काव्य सादर करण्यात आले.
कार्यक्रमाचे सूत्रसंचालन प्रिया दामले यांनी प्रभावीपणे केले, त्यांना प्रमोद कुलकर्णी व विजय सातपुते यांची साथ लाभली.
