आजरा (प्रतिनिधी): जनता एज्युकेशन सोसायटी संचालित आजरा हायस्कूल, आजरा येथील विद्यार्थ्यांनी गणित प्रज्ञा परीक्षेत उल्लेखनीय यश संपादन करत शाळेच्या शिरपेचात मानाचा तुरा रोवला आहे. इयत्ता ५ वी आणि ८ वीच्या विद्यार्थ्यांनी उत्कृष्ट कामगिरी करत आपली गुणवत्ता सिद्ध केली.
इयत्ता ५ वी मधील कु. शांभवी संतोष पंडित आणि कु. क्षितिजा दयानंद उपासे या विद्यार्थिनींनी ‘प्रज्ञा प्रमाणपत्र’ मिळवून यश संपादन केले.
तर इयत्ता ८ वी मधील कु. अर्जुन सुरजकुमार नार्वेकर याने विशेष प्राविण्य मिळवत ‘गणित प्रज्ञा शिष्यवृत्ती’ आणि ‘शिल्ड’ पटकावून विशेष बहुमान मिळवला. त्याचबरोबर कु. आयुष रामचंद्र पाटील, कु. प्रांजली युवराज मोरे, कु. मिहीका महेश केसरकर आणि कु. साक्षी सागर ओतारी यांनीही परीक्षेत उल्लेखनीय कामगिरी करत विशेष यश प्राप्त केले.
या सर्व यशस्वी विद्यार्थ्यांना श्री. ए. एस. नाईक सर आणि श्री. आर. पी. केसरकर सर यांचे मार्गदर्शन लाभले.
विद्यार्थ्यांच्या या यशाबद्दल शाळेचे मुख्याध्यापक श्री. ए. एल. तोडकर, उपमुख्याध्यापक सौ. एच. एस. कामत, पर्यवेक्षक श्री. ए. आर. व्हसकोटी तसेच सर्व शिक्षक व शिक्षकेतर कर्मचाऱ्यांनी अभिनंदन करून त्यांच्या पुढील वाटचालीस शुभेच्छा दिल्या.
या यशामुळे आजरा हायस्कूलची शैक्षणिक परंपरा अधिक बळकट झाली असून परिसरात सर्वत्र विद्यार्थ्यांचे कौतुक होत आहे.
