पुरंदर प्रतिनिधी :
पुरंदर तालुक्यातील बोपगाव विविध कार्यकारी सोसायटीच्या चेअरमनपदी संदीप भाऊ फडतरे यांची बिनविरोध निवड करण्यात आली. नीरा कृषि उत्पन्न बाजार समितीचे सभापती असलेल्या फडतरे यांच्या निवडीची अधिकृत घोषणा निवडणूक निर्णय अधिकारी अमरीन बागवान यांनी केली.
मागील चेअरमन प्रमोद आप्पा फडतरे यांनी राजीनामा दिल्याने ही निवड प्रक्रिया पार पडली. निवड बिनविरोध झाल्याने परिसरात समाधानाचे वातावरण पाहायला मिळाले.
यावेळी बोपगावच्या सरपंच सारिका गुरव यांनी नूतन चेअरमन यांचे स्वागत करून पुढील कार्यासाठी शुभेच्छा दिल्या.
या प्रसंगी व्हाईस चेअरमन सुरज जगदाळे, दयानंद फडतरे, माजी सरपंच कानिफनाथ फडतरे, शहाजी तात्या फडतरे, भाऊसाहेब फडतरे, मारुती बापू फडतरे, चंद्रकांत सोमा फडतरे, मयूर फडतरे, दत्ता शेट फडतरे, राम फडतरे, बाळू तात्या फडतरे यांच्यासह ग्रामस्थ मोठ्या संख्येने उपस्थित होते.
👉 नूतन चेअरमन संदीप भाऊ फडतरे यांच्या नेतृत्वाखाली सोसायटीच्या विकासाला नवी गती मिळेल, अशी अपेक्षा ग्रामस्थांनी व्यक्त केली.
