माळशिरस प्रतिनिधी : माळशिरस पंचायत समिती परिसरात स्वच्छता अभियान उत्साहात राबविण्यात आले. माननीय पंचायत समिती सदस्य श्री. बाबासाहेब माने पाटील यांच्या संकल्पनेतून या उपक्रमाचे आयोजन करण्यात आले.
या स्वच्छता मोहिमेत पंचायत समितीचे गटविकास अधिकारी, सभापती दत्ता भैया मगर, उपसभापती तसेच महाराष्ट्राचे लोकप्रिय युट्युब स्टार व शेतकरी मित्र Siddharth Kate यांनी उपस्थित राहून सहभाग नोंदवला.
अभियानादरम्यान पंचायत समिती परिसरातील स्वच्छता करण्यात आली. कचरा उचलून परिसर स्वच्छ व सुंदर करण्यात आला. तसेच परिसरातील झाडांना पाणी देण्याची व्यवस्था करून पर्यावरण संवर्धनाचाही संदेश देण्यात आला.
या उपक्रमामुळे परिसर स्वच्छ झाला असून नागरिकांमध्येही स्वच्छतेबाबत जागरूकता निर्माण झाली आहे. स्वच्छता हीच सेवा या भावनेतून सर्वांनी एकत्र येत अभियान यशस्वी केले.
