वर्धा जिल्हा (देवळी तालुका) : तांभा (येंडे) येथील तीर्थक्षेत्र रामेश्वर देवस्थान मंदिर परिसरात श्रीराम नवमीच्या पावन निमित्ताने भव्य शोभायात्रा मोठ्या उत्साहात व भक्तीभावाने पार पडली.
या मंगल प्रसंगी संपूर्ण परिसर भक्तिमय वातावरणाने भारावून गेला होता. शोभायात्रेत २५ ते ३० दिंड्यांचा सहभाग होता. भजन मंडळांच्या गजरात आणि “जय श्रीराम”च्या घोषणांनी वातावरण दुमदुमून गेले.
गावातील नागरिकांनी मोठ्या संख्येने उपस्थित राहून उत्सवाला उत्स्फूर्त प्रतिसाद दिला. सर्वांच्या एकत्रित सहभागामुळे हा सोहळा अधिक भव्य, दिव्य आणि स्मरणीय ठरला.
या शोभायात्रेत सहभागी होण्याचे सौभाग्य लाभल्याची भावना अनेक भाविकांनी व्यक्त केली.
