जालना प्रतिनिधी : जालना शहरातील जयनगर परिसरातील महाप्रजापती बौद्ध विहार येथे सम्राट अशोक जयंती मोठ्या उत्साहात व भक्तिभावाने साजरी करण्यात आली.
कलिंगच्या भीषण युद्धानंतर हिंसेचा त्याग करून शांततेचा मार्ग स्वीकारणारे सम्राट अशोक हे जगाच्या इतिहासातील अद्वितीय शासक मानले जातात. Ashoka यांनी Gautama Buddha यांच्या विचारांनी प्रेरित होऊन केवळ भूभाग जिंकण्याऐवजी मानवांची मने जिंकण्याला प्राधान्य दिले. आजच्या हिंसाचार व अशांततेच्या काळात त्यांचे करुणा, अहिंसा, समता व बंधुत्वाचे विचार अधिकच महत्त्वपूर्ण ठरत असल्याचे यावेळी सांगण्यात आले.
दिनांक २६ मार्च २०२६ रोजी आयोजित या कार्यक्रमाचे अध्यक्षस्थान वंचित बहुजन आघाडीचे मराठवाडा उपाध्यक्ष तथा डॉ. बाबासाहेब आंबेडकर जयंती उत्सव समितीचे अध्यक्ष दीपक डोके यांनी भूषविले. कार्यक्रमाची सुरुवात सम्राट अशोक यांच्या प्रतिमेस पुष्पहार अर्पण करून विनम्र अभिवादनाने करण्यात आली.
यावेळी सचिव विलास दाभाडे, सिद्धार्थ इंगळे, सिद्धार्थ पाईकराव, एन. एम. झिने, अण्णा गाडगे, साळवे सर, सातदिवे सर, एस. जे. सुकधाने, सुनील गंगावणे यांच्यासह अनेक पदाधिकारी व कार्यकर्ते मोठ्या संख्येने उपस्थित होते.
कार्यक्रम उत्साहपूर्ण वातावरणात पार पडला.
