उदगीर (प्रतिनिधी) : उदगीर येथील स्व. रामचंद्रराव पाटील तळेगावकर सहकारी खरेदी-विक्री संघात नवनिर्वाचित जिल्हा परिषद अध्यक्षा व इतर मान्यवरांचा सत्कार समारंभ शनिवार, दि. २८ मार्च २०२६ रोजी उत्साहात पार पडला. या कार्यक्रमाचे आयोजन संस्थेच्या संचालक मंडळाने केले होते.
कार्यक्रमाच्या प्रारंभी स्व. रामचंद्रराव पाटील तळेगावकर यांच्या प्रतिमेचे पूजन करण्यात आले. त्यानंतर अध्यक्षस्थानी भगवानदादा पाटील तळेगावकर यांच्या उपस्थितीत Ushatai Sambhajirao Patil Talegaonkar (जिल्हा परिषद अध्यक्षा) यांचा स्नेह सत्कार करण्यात आला.
यावेळी Balasaheb Madhavrao Patil (उपसभापती, पं. स. देवणी) तसेच Shahaji Bhagwandada Patil Talegaonkar (नियोजन सभापती, नगर परिषद उदगीर) यांचाही सत्कार करण्यात आला.
या सत्कार सोहळ्याच्या आयोजनामागे भाऊसाहेबांसोबत राजकीय व सामाजिक चळवळीत कार्य केलेल्या व्यक्ती व त्यांच्या कुटुंबीयांचा सन्मान व्हावा, ही भावना असल्याचे संघाचे चेअरमन भरतभाऊ चामले यांनी सांगितले. कार्यक्रमात उपाध्यक्ष शंकरराव पाटील तसेच सर्व संचालकांनी पुढाकार घेतला.
या प्रसंगी विविध मान्यवर, संचालक, कार्यकर्ते व नागरिक मोठ्या संख्येने उपस्थित होते. कार्यक्रमाचे सूत्रसंचालन बाळासाहेब नवाडे यांनी केले, तर आभार प्रदर्शन वसंतराव सोनकांबळे यांनी मानले.
या स्नेहमेळाव्यामुळे राजकीय व सामाजिक क्षेत्रातील कार्यकर्त्यांमध्ये एकोपा आणि आपुलकीचे वातावरण निर्माण झाले.
