शहादा, दि. २८ : नंदुरबार जिल्ह्यातील विसरवाडी (ता. नवापूर) येथे प्रशासन व विविध सामाजिक संस्थांच्या संयुक्त विद्यमाने आयोजित दिव्यांग विशेष शिबिराला लाभार्थ्यांचा उत्स्फूर्त प्रतिसाद मिळाला. शिबिरात आधार कार्ड अपडेट तसेच युडीआयडी (UDID) कार्डाशी संबंधित अनेक प्रलंबित कामे जागेवरच पूर्ण करण्यात आली.
जिल्हाधिकारी Mittali Sethi यांच्या आदेशानुसार आणि मुख्य कार्यकारी अधिकारी Naman Goyal यांच्या मार्गदर्शनाखाली हे शिबिर पार पडले. जिल्हा परिषद नंदुरबारचे दिव्यांग सक्षमीकरण अधिकारी नंदकिशोर सूर्यवंशी यांच्या नेतृत्वाखाली शिबिराचे नियोजन करण्यात आले होते.
या उपक्रमासाठी Manudevi Foundation संचलित जिल्हा दिव्यांग पुनर्वसन केंद्र (नंदुरबार) तसेच National Divyang Vikas Mahasangh यांच्या संयुक्त विद्यमाने आयोजन करण्यात आले होते. कार्यक्रमाच्या अध्यक्षस्थानी महासंघाचे राज्य उपाध्यक्ष शिवाजीराव मोरे होते.
यावेळी जिल्हाध्यक्ष राजाभाऊ कुवर, ग्रामसेवक सोनवणे आप्पासाहेब, जयराम कुवर, गुलाब गावित, देविदास टक्कर, सतीश गावित, मिराबाई गावित, प्रभाकर गावित आदी मान्यवर उपस्थित होते. ‘युथ फॉर जॉब्स’ संस्थेचे जिल्हा समन्वयक विनेश गावित यांनी तांत्रिक जबाबदारी सांभाळत लाभार्थ्यांची कामे पूर्ण करण्यात महत्त्वाची भूमिका बजावली.
अध्यक्षीय भाषणात शिवाजीराव मोरे यांनी सांगितले की, “प्रशासकीय यंत्रणा व सामाजिक संस्थांच्या पुढाकारामुळे ग्रामीण भागातील दिव्यांगांना शासकीय योजनांचा लाभ घेणे अधिक सुलभ झाले आहे.”
शिबिराच्या यशस्वीतेसाठी स्थानिक कार्यकर्ते व जिल्हा दिव्यांग पुनर्वसन केंद्राच्या कर्मचाऱ्यांनी विशेष परिश्रम घेतले.
