धाराशिव (प्रतिनिधी) – ३० मार्च २०२६ :
भारत सरकारच्या वस्त्रोद्योग मंत्रालयांतर्गत विकास आयुक्त (हस्तशिल्प) कार्यालय व महाराष्ट्र राज्य ग्रामीण जीवनोन्नती अभियान यांच्या संयुक्त विद्यमाने ‘चौपाल’ (हस्तशिल्प कारागिरांशी संवाद) कार्यक्रमाचे आयोजन करण्यात आले. हा उपक्रम ‘आकांक्षित जिल्ह्यांमधील हस्तशिल्प आधारित उपजीविका मजबूत करणे’ या मोहिमेअंतर्गत पार पडला.
हस्तशिल्प सेवा केंद्र, छ. संभाजीनगर यांच्या पुढाकाराने जिल्हा ग्रामीण विकास यंत्रणा हॉल, धाराशिव येथे कार्यक्रम उत्साहात संपन्न झाला.
प्रमुख उपस्थिती व मार्गदर्शन :
कार्यक्रम जिल्हाधिकारी कीर्ती किरण पुजार आणि मुख्य कार्यकारी अधिकारी डॉ. मानक घोष यांच्या मार्गदर्शनाखाली आयोजित करण्यात आला.
यावेळी
- अनुप शेंगुलवार (प्रकल्प संचालक, DRDA)
- वनिता डोंगरे (जिल्हा अभियान व्यवस्थापक, MSRLM)
- अमोल सिरसट (जिल्हा व्यवस्थापक, MSRLM)
यांची प्रमुख उपस्थिती होती.
योजनांची माहिती व नोंदणी :
अमन कुमार जैन (सहाय्यक संचालक) आणि शैलेंद्र सिंह (हस्तशिल्प प्रोत्साहन अधिकारी) यांनी कारागिरांना विविध योजनांची माहिती दिली.
- ‘पहचान कार्ड’ योजनेचे फायदे ॲनिमेटेड व्हिडिओद्वारे समजावून सांगितले
- कार्यक्रमस्थळीच टेराकोटा व बंजारा भरतकाम कारागिरांची थेट नोंदणी करण्यात आली
- मुद्रा लोन, PMJJBY, PMSBY, राष्ट्रीय पुरस्कार, टूल किट व क्लस्टर विकास योजनांची माहिती देण्यात आली
बँकिंग व आर्थिक मार्गदर्शन :
सुनील जाधव (LDM प्रतिनिधी) व विजय नवले (स्टेट बँक ऑफ इंडिया) यांनी मुद्रा लोन व बँकिंग सुविधांबाबत मार्गदर्शन करून आर्थिक सक्षमीकरणावर भर दिला.
सहभाग :
या ‘चौपाल’मध्ये जहागीरदारवाडी, धाराशिव शहर व तुळजापूर परिसरातील सुमारे ९५ महिला कारागीरांनी उत्साहाने सहभाग घेतला.
