माहूर (प्रतिनिधी) :
महाराष्ट्राचे माजी मुख्यमंत्री अशोकराव चव्हाण यांनी माहूर गडावरील श्री दत्तशिखर संस्थान व श्री रेणुका माता मंदिराला भेट देत दर्शन घेतले. यावेळी त्यांनी जगात सुख, शांती व समृद्धी नांदावी अशी प्रार्थना केली.
दर्शनादरम्यान त्यांनी परमपूज्य महंत मधुसूदनजी भारती महाराज यांची भेट घेऊन त्यांच्या प्रकृतीची विचारपूस केली.
सत्कार व विकासकामांचा आढावा :
श्री दत्तशिखर संस्थान येथे श्याम भारती महाराज यांच्या हस्ते अशोकराव चव्हाण यांचा सत्कार करण्यात आला, तर श्री रेणुका देवी संस्थानात विश्वस्त व पुजारी चंद्रकांत भोपी यांनी त्यांचा सत्कार करून महाप्रसाद प्रदान केला.
तसेच दत्तशिखर व रेणुका माता संस्थान परिसरात सुरू असलेल्या विकासकामांचा आढावा सार्वजनिक बांधकाम विभागाचे अधिकारी विशाल चोपडे व डि. के. भिसे यांच्याकडून घेण्यात आला.
या भेटीदरम्यान अमरनाथ राजुरकर, गोविंदराव पाटील नागेलीकर, कविताताई मुळे, नामदेवराव केशवे, प्रवीण साले, संजय देशमुख, निलेश पावडे, फिरोज दोसानी, निळकंठ मस्के, प्रा. राजेंद्र केशवे, डॉ. निरंजन केशवे, संजय राठोड, अनिल वाघमारे, कांतराव घोडेकर, गोपू महामुने, हाजी उस्मान खान पठाण, किशोर जगत, विनायक मुसळे, विजय आमले, नंदकुमार जोशी, सय्यद रहमत अली, दिलीप मुनगिलवार, रामकिसन केंद्रे, अजय पवार तसेच इरशाद मकरानी यांच्यासह अनेक मान्यवर उपस्थित होते.
यावेळी नायब तहसीलदार कैलास जेठे, पोलीस निरीक्षक देविदास चोपडे व इतर अधिकारी-कर्मचारी आणि कार्यकर्ते मोठ्या संख्येने उपस्थित होते.
