गंगाखेड (प्रतिनिधी) :
खळी तांडा जिल्हा परिषद प्राथमिक शाळेत विद्यार्थ्यांचा प्रवेश उत्सव, स्वयं शासन दिन तसेच निरोप समारंभ उत्साहात साजरा करण्यात आला.
कार्यक्रमात गावातील श्रद्धा पंडितराव पवार हिची बँक ऑफ महाराष्ट्रमध्ये सीनियर क्लर्क पदावर निवड झाल्याबद्दल सत्कार करण्यात आला.
पहिलीत प्रवेश घेणाऱ्या विद्यार्थ्यांचे पावलांचे ठसे घेऊन अभिनव पद्धतीने स्वागत करण्यात आले, तर आठवीच्या विद्यार्थ्यांना शाळेच्या वतीने भावपूर्ण निरोप देण्यात आला.
आठवीच्या विद्यार्थ्यांनी कृतज्ञतेपोटी शाळेला सिलिंग फॅन भेट देत सामाजिक भान जपले, या उपक्रमाचे विशेष कौतुक करण्यात आले.
या कार्यक्रमास डॉ. सुभाष कदम, विठ्ठल प्रसाद पवार (केंद्रप्रमुख), शिवाजीराव पवार, सरपंच ज्ञानदेव घुले, मेजर गायकवाड, पंडित पवार, विष्णू गरड, बालासाहेब राठोड आदी मान्यवर उपस्थित होते.
कार्यक्रमाचे नियोजन मुख्याध्यापक भगवान कुगे यांनी केले, तर सूत्रसंचालन शिक्षक गिरी यांनी केले.
कार्यक्रमाच्या शेवटी श्रीकांत मेत्रे यांनी उपस्थित मान्यवर, पालक व ग्रामस्थांचे आभार मानले.
शिक्षक, पालक व ग्रामस्थांच्या उपस्थितीत हा सोहळा आनंदात पार पडला असून शेवटी सामूहिक भोजनाने कार्यक्रमाची सांगता करण्यात आली.
