नारायणगावात स्थानिक गुन्हे शाखेची मोठी कारवाई; १२ तलवारी जप्त

नारायणगाव (दि.३०) :

पुणे ग्रामीण पोलिसांच्या स्थानिक गुन्हे शाखेने मोठी कारवाई करत बेकायदेशीररीत्या शस्त्र बाळगणाऱ्या इसमाकडून १२ तलवारी जप्त केल्या.

पोलीस अधीक्षक संदीप सिंह गिल्ल यांच्या सूचनेनुसार ही कारवाई करण्यात आली, तर स्थानिक गुन्हे शाखेचे पोलीस निरीक्षक प्रमोद शिरसागर यांच्या मार्गदर्शनाखाली पथकाने सापळा रचला.

रविवार (दि.२९) रोजी जुन्नर विभागाचे पथक नारायणगाव परिसरात पेट्रोलिंग करत असताना सहायक फौजदार दीपक साबळे यांना गोपनीय माहिती मिळाली. त्यानुसार सलीम साजिद पठाण (वय २०, रा. शिपाई मोहल्ला, जुन्नर) हा सुझुकी कंपनीच्या MH 12 DE 2767 क्रमांकाच्या गाडीत तलवारी घेऊन येणार असल्याची माहिती मिळाली.

पोलिसांनी तत्काळ कारवाई करत संशयिताला ताब्यात घेतले, आणि पंचासमक्ष गाडीची झडती घेतली असता १० मोठ्या व २ लहान तलवारी आढळून आल्या.

एकूण १२ तलवारी आणि संबंधित वाहन जप्त करण्यात आले असून आरोपीविरुद्ध भारतीय शस्त्र अधिनियम १९५९ अंतर्गत गुन्हा दाखल करण्यात आला आहे.

या प्रकरणी पुढील तपास नारायणगाव पोलीस स्टेशनचे पोलीस उपनिरीक्षक जगदेव पाटील करत आहेत.

ही कारवाई अप्पर पोलीस अधीक्षक रमेश चोपडे, उपविभागीय पोलीस अधिकारी धनंजय पाटील यांच्या मार्गदर्शनाखाली पोलीस निरीक्षक प्रमोद शिरसागर, महादेव शेलार, प्रविण सपांगे, जगदेव पाटील, दीपक साबळे, संदीप वारे, राजू मोमिन, अक्षय नवले, सत्यम केळकर, सोमनाथ डोके, मंगेश लोखंडे यांच्या पथकाने केली.