पुणे | प्रतिनिधी :
ध्येय एज्युकेशन फाउंडेशन, महाराष्ट्र यांच्या वतीने आयोजित भव्य बक्षीस वितरण व कर्तृत्ववान अधिकारी सन्मान सोहळा निगडी (पुणे) येथील ग.दि. माडगूळकर नाट्यगृहात उत्साहात पार पडला.
या कार्यक्रमाच्या अध्यक्षस्थानी राज्याचे शिक्षणमंत्री दादा भुसे होते. तसेच दत्तात्रय वारे गुरुजी यांच्या हस्ते विविध मान्यवरांचा सन्मान करण्यात आला.
शैक्षणिक क्षेत्रातील उल्लेखनीय कार्य, विद्यार्थ्यांच्या सर्वांगीण विकासासाठी दिलेले योगदान आणि ज्ञानसेवेतील समर्पण यांची दखल घेऊन डॉ. रोहित परीट यांना राज्यस्तरीय “आदर्श शिक्षक पुरस्कार” प्रदान करण्यात आला.
डॉ. परीट यांनी यापूर्वीही राज्य व राष्ट्रीय स्तरावर अनेक पुरस्कार मिळवले असून, त्यांच्या कार्याचा गौरव सातत्याने होत आहे. हा सन्मान त्यांच्या प्रेरणादायी प्रवासातील आणखी एक मानाचा तुरा ठरला आहे.
कार्यक्रमास विविध क्षेत्रातील मान्यवर, शिक्षक, विद्यार्थी व पालक मोठ्या संख्येने उपस्थित होते.
