अहिल्यानगर : येथील कु. साईशा अमोल बागुल हिने इंडियन टॅलेंट ऑलिम्पियाड स्पर्धेत इंग्रजी विषयात राज्यात ५ वा क्रमांक पटकावत उल्लेखनीय यश संपादन केले आहे. तिच्या या यशामुळे कुटुंबासह शाळेचा व परिसराचा गौरव वाढला आहे.
साईशा ही श्री अमोल सुभाष बागुल यांची कन्या असून दोंडाईचा येथील पत्रकार श्री पांडुरंग शिंपी यांची नात आहे. ती सध्या अहिल्यानगर येथील पोतदार इंटरनॅशनल स्कूलमध्ये इयत्ता सातवीत शिक्षण घेत आहे. या स्पर्धेत उत्कृष्ट कामगिरी करत तिने राज्यस्तरावर आपली गुणवत्ता सिद्ध केली आहे.
तिच्या या यशाबद्दल शासनाकडून तिला एक हजार रुपयांची शिष्यवृत्तीही जाहीर करण्यात आली आहे. साईशाच्या यशामागे तिच्या शिक्षकांचे मार्गदर्शन तसेच आई-वडिलांचे परिश्रम महत्त्वाचे ठरले असल्याचे सांगितले जात आहे.
कु. साईशा बागुलच्या या चमकदार यशाबद्दल सर्व स्तरातून तिच्यावर अभिनंदनाचा वर्षाव होत असून, तिच्या पुढील शैक्षणिक वाटचालीसाठी शुभेच्छा दिल्या जात आहेत.
