शहादा, दि.०४ (प्रतिनिधी) : नंदुरबार जिल्ह्यातील शहादा येथील वकील संघाच्या उपाध्यक्षपदी ॲड. जे. पी. कुवर यांची निवड करण्यात आली असून, त्यांच्या या निवडीचे कायदे क्षेत्रातून तसेच सामाजिक स्तरातून स्वागत व अभिनंदन होत आहे.
शहादा वकील संघ ही जिल्ह्यातील एक सक्रिय व महत्त्वाची संघटना मानली जाते. ॲड. कुवर यांचा वकिली क्षेत्रातील प्रदीर्घ अनुभव, अभ्यासू वृत्ती आणि सामाजिक भान लक्षात घेता त्यांच्यावर ही जबाबदारी सोपवण्यात आली आहे.
निवडीनंतर प्रतिक्रिया देताना ॲड. जे. पी. कुवर यांनी सर्वांचे आभार मानत, “संघ अधिक कार्यक्षम व सक्षम करण्यासाठी मी कटिबद्ध आहे. वकिलांच्या विविध समस्या सोडवून संघटनेला आदर्श बनवणे हेच माझे ध्येय असेल,” असे सांगितले.
या निवडीबद्दल वकील संघाचे पदाधिकारी, ज्येष्ठ कायदेतज्ज्ञ तसेच विविध क्षेत्रातील मान्यवरांनी त्यांचे अभिनंदन करत पुढील वाटचालीस शुभेच्छा दिल्या आहेत.
