आजरा (प्रतिनिधी) : जनता एज्युकेशन सोसायटी संचलित आजरा हायस्कूल, आजरा येथील विद्यार्थ्यांनी जानेवारी २०२६ मध्ये आयोजित ‘ब्रेन डेव्हलपमेंट एक्झाम (BDS)’ परीक्षेत उल्लेखनीय यश संपादन केले आहे.
या परीक्षेत इयत्ता सातवी ‘ड’ वर्गातील सक्षम जयसिंग खवरे आणि श्रीराम राजेंद्र पटेकर या विद्यार्थ्यांना गुणपत्रक व प्रमाणपत्र प्रदान करण्यात आले. तसेच इयत्ता सहावी ‘ड’ वर्गातील राधिका संजय नार्वेकर हिने उत्कृष्ट कामगिरी करत गुणपत्रक व प्रमाणपत्रासह ब्रॉन्झ पदक पटकावले आहे.
विद्यार्थ्यांच्या या यशामागे शाळेचे मुख्याध्यापक ए.एल. तोडकर, उपमुख्याध्यापिका एच.एस. कामत तसेच पर्यवेक्षक ए.आर. व्हसकोटी यांचे मार्गदर्शन व प्रोत्साहन लाभले.
शाळेच्या वतीने सर्व यशस्वी विद्यार्थ्यांचे अभिनंदन करण्यात आले असून, भविष्यातही अशीच प्रगती करावी, अशी अपेक्षा व्यक्त करण्यात आली आहे.
