परभणी (प्रतिनिधी) :–
सोनपेठ येथे दीपस्तंभ प्रतिष्ठान व हनुमान शिक्षण प्रसारक मंडळ यांच्या संयुक्त विद्यमाने मा. ना. सौ. मेघना दिदी बोर्डीकर-साकोरे (राज्यमंत्री, महाराष्ट्र राज्य तथा पालकमंत्री परभणी) यांच्या वाढदिवसानिमित्त तसेच स्व. राजाभाऊ दादाराव कदम यांच्या जयंतीनिमित्त भव्य महाआरोग्य शिबिराचे आयोजन करण्यात आले आहे.
हे शिबिर शुक्रवार, दि. १० एप्रिल २०२६ रोजी सकाळी १० वाजता छत्रपती शिवाजी महाराज सांस्कृतिक सभागृह, सोनपेठ येथे आयोजित करण्यात येणार आहे. या शिबिरामध्ये तज्ञ डॉक्टरांमार्फत विविध आजारांची तपासणी व मोफत शस्त्रक्रिया करण्यात येणार आहेत. यामध्ये मोतीबिंदू, पथरी, मणक्याची शस्त्रक्रिया, कान-नाक-घसा शस्त्रक्रिया, हाडांचे फ्रॅक्चर, स्त्रीरोग शस्त्रक्रिया, कॅन्सर, यकृत, किडनीचे आजार, डोळ्यांचे भेंगडेपणा, अन्ननलिकेची शस्त्रक्रिया, अपेंडिक्स आदी विविध शस्त्रक्रियांचा समावेश आहे. या सर्व सेवा महात्मा फुले जन आरोग्य योजनेअंतर्गत मोफत उपलब्ध करून देण्यात येणार आहेत.
या कार्यक्रमाचे उद्घाटन मा. श्री परमेश्वर राजाभाऊ कदम (नगराध्यक्ष, नगर परिषद सोनपेठ) यांच्या हस्ते होणार असून, प्रमुख पाहुण्यांमध्ये श्री रंगनाथराव सोळंके, सौ. विद्याताई धोंडगे, श्री बळीरामजी पवार, श्री दत्ताराव कदम, श्री जयप्रकाश बचाटे, श्री रामप्रसाद यादव, हाजी सद्दाम हुसेन, श्री अजय देशमुख यांच्यासह अनेक मान्यवरांची उपस्थिती राहणार आहे.
या शिबिराचे आयोजन नगर परिषद सोनपेठ, हनुमान शिक्षण प्रसारक मंडळ तसेच दीपस्तंभ प्रतिष्ठान, परभणी यांच्या संयुक्त विद्यमाने करण्यात आले आहे. इच्छुक नागरिकांनी नाव नोंदणीसाठी संतोष आंबुरे (मो. 7020531637), आशोक शेटे (मो. 7397929536), जावेद शेख (मो. 9804049999) यांच्याशी संपर्क साधावा.
गरजू नागरिकांनी या महाआरोग्य शिबिराचा लाभ घेऊन आरोग्य तपासणी व उपचार करून घ्यावेत, असे आवाहन आयोजकांच्या वतीने करण्यात आले आहे.
