शहादा, दि. ०५ (प्रतिनिधी) :
नाशिक येथील Maharashtra University of Health Sciences तर्फे घेण्यात आलेल्या बी.डी.एस. २०२५ परीक्षेचा निकाल नुकताच जाहीर झाला असून, यात धुळे येथील एसीपीएम डेंटल कॉलेजची विद्यार्थिनी डॉ. आम्रपाली नरेंद्र महिरे हिने उल्लेखनीय यश संपादन केले आहे. तिच्या या यशाबद्दल सर्व स्तरांतून कौतुक होत आहे.
डॉ. आम्रपाली या शहादा येथील केंद्रप्रमुख नरेंद्र महिरे व माध्यमिक शिक्षिका वैशाली घोडराज-महिरे यांची कन्या आहे. डेंटल क्षेत्रातील पदवी संपादन केल्याने महिरे कुटुंबियांसह परिसरात आनंदाचे वातावरण निर्माण झाले आहे. जिद्द, चिकाटी आणि अथक परिश्रमाच्या जोरावर तिने हे यश मिळवले आहे.
डॉक्टर होऊन समाजसेवा करण्याची व गरजू रुग्णांना आरोग्यसेवा देण्याची तिची प्रबळ इच्छा असून, याच ध्येयाने प्रेरित होऊन तिने हे यश मिळवले आहे.
डॉ. आम्रपाली या धुळे येथील ‘दैनिक सकाळ’चे पत्रकार रमाकांत घोडराज व धुळे जिल्हा वकील संघाचे कार्यकारिणी सदस्य तसेच भारत सरकारचे नोटरी अधिकारी ॲड. उमाकांत घोडराज यांची भाची आहेत. तिच्या या यशाबद्दल सामाजिक कार्यकर्ते, प्राध्यापक, मित्रपरिवार आणि नातेवाईकांकडून अभिनंदनाचा वर्षाव होत असून, तिच्या पुढील वैद्यकीय कारकिर्दीसाठी शुभेच्छा देण्यात येत आहेत.
