बीड (प्रतिनिधी ) :
आष्टी तालुक्यातील धानोरा येथे सुयश हेल्थ केअर व धानोरा ग्रामपंचायत यांच्या संयुक्त विद्यमाने सोमवार दि. ६ एप्रिल २०२६ रोजी आरोग्य तपासणी शिबिराचे आयोजन करण्यात आले आहे. हे शिबिर सकाळी ८ ते दुपारी २ वाजेपर्यंत मारुती मंदिर येथे पार पडणार आहे.
या शिबिरामध्ये साधारणपणे ३ ते ४ हजार रुपये खर्चाच्या विविध तपासण्या अवघ्या २०० रुपयांत उपलब्ध करून देण्यात येणार आहेत. रुग्णांसाठी ईसीजी, हिमोग्लोबीन, बीपी, शुगर यांसह एकूण २१ प्रकारच्या तपासण्या करून संपूर्ण फुल बॉडी चेकअप करण्यात येणार आहे.
तसेच सांधेदुखी, गुडघेदुखी, कंबरदुखी, मानसिक आजार, त्वचारोग, आम्लपित्त, मुतखडा, मूळव्याध, वजन नियंत्रण यांसारख्या आजारांवर आयुर्वेदिक औषधे १० टक्के सवलतीत उपलब्ध करून देण्यात येणार आहेत.
शिबिरासाठी नाव नोंदणी शुल्क ५० रुपये व फुल बॉडी चेकअप शुल्क १५० रुपये असे एकूण २०० रुपये निश्चित करण्यात आले आहे. इच्छुक रुग्णांनी रविवारी दि. ५ एप्रिल २०२६ रोजी नाव नोंदणी करणे आवश्यक असून अधिक माहितीसाठी प्रिया बनकर मॅडम (मो. ९३५९१२२६३८) यांच्याशी संपर्क साधण्याचे आवाहन आयोजकांकडून करण्यात आले आहे.
