कन्नड | प्रतिनिधी
कन्नड शहरात महाराष्ट्र नवनिर्माण सेना (मनसे) सदस्य नोंदणी अभियानाला नागरिकांचा उत्स्फूर्त प्रतिसाद मिळत असल्याचे चित्र पाहायला मिळाले. पिशोर नाका परिसरात आज सकाळपासूनच सदस्य नोंदणीसाठी मोठी गर्दी उसळली होती.
या अभियानात विशेषतः तरुणाईचा मोठ्या प्रमाणात सहभाग दिसून आला. मात्र, केवळ तरुणच नव्हे तर ज्येष्ठ नागरिकांनीही उत्साहाने रांगा लावत सदस्य नोंदणी केली. राज ठाकरे यांच्या नेतृत्वावर विश्वास ठेवत अनेकांनी पक्षात प्रवेश केला.
या नोंदणी मोहिमेसाठी जिल्हाध्यक्ष लखन चव्हाण, तालुका प्रमुख अनिल शेळके, शहराध्यक्ष शशांक मालोदे तसेच सर्कल प्रमुख दिनकर जाधव आणि सचिन भाऊ यांनी अथक परिश्रम घेतले.
सदस्य नोंदणीला मिळालेल्या या प्रतिसादामुळे कन्नड तालुक्यात मनसेची संघटनात्मक ताकद वाढण्याची शक्यता व्यक्त केली जात आहे.
