परभणी | प्रतिनिधी
पत्रकारांच्या विविध प्रलंबित मागण्यांसाठी मंगळवारी, दि. ७ एप्रिल रोजी परभणीत धरणे आंदोलन आयोजित करण्यात आले आहे. Voice of Media या संघटनेच्या वतीने हे आंदोलन करण्यात येणार असून, पत्रकारांच्या हक्कांसाठी एकजुटीने लढा देण्याचे आवाहन करण्यात आले आहे.
संघटनेचे राज्य कार्याध्यक्ष विजय चोरडिया यांनी सर्व सदस्यांना या आंदोलनात सक्रिय सहभाग नोंदवण्याचे आवाहन केले आहे. “पत्रकारांच्या हक्कासाठी आपण लढत आहोत. त्यामुळे प्रत्येक सदस्याने या आंदोलनात सहभागी होणे आवश्यक आहे. संघटनेत काम करताना समर्पण भाव महत्त्वाचा आहे,” असे त्यांनी नमूद केले.
