तहसीलदार तळोदा यांच्या मार्फत राष्ट्रपतींना निवेदन
अक्राणी प्रतिनिधी*वसंत पावरा:- नंदुरबार जिल्ह्यातील ९ सामाजिक कार्यकर्त्यांना राजकीय सुडापोटी, राजकीय पुढाऱ्यांच्या इशा-यावर व सुपारी घेऊन सुडबद्धीने , भ्रष्ट पद्धतीने अवैध, बेकायदेशीर, अप्रमाणिकपणे आपल्या पदाचा, वर्दीचा, अधिकाराचा दुरूपयोग करून नंदुरबार जिल्हा हद्दपारीची कारवाई करणा-या भ्रष्ट , अकार्यक्षम, आदिवासी विरोधी,गुंड प्रवृत्तीच्या पोलिस अधीक्षक श्रवण दत्त यांचा जाहीर निषेध व्यक्त करीत आहोत .९ सामाजिक कार्यकर्त्यांवरचा हद्दपारीचा आदेश रद्द करा व वादग्रस्त पोलिस अधीक्षक श्रवण दत्त यांना तात्काळ सेवेतून बडतर्फ करा, अशी मागणी बिरसा फायटर्स जिल्हा शाखा नंदुरबार कडून तहसीलदार तळोदा यांना निवेदन देऊन करण्यात आली आहे. .यावेळी उपस्थित होते.यावेळी बिरसा फायटर्स नंदुरबार जिल्हा अध्यक्ष हिरामण खर्डे, तळोदा तालुकाध्यक्ष सुभाष पावरा, युवराज वळवी,रतिलाल पावरा, मंगला बाई पवार,मनेश खर्डे, अंजनाबाई खर्डे,करन रावताळे, हिंमत नावडे आदि कार्यकर्ते उपस्थित होते.
निवेदनात म्हटले आहे की,इंटरनेशनल आयडॉल, राष्ट्रीय कला मित्र तथा बिरसा फायटर्सचे संस्थापक राष्ट्रीय अध्यक्ष सुशिलकुमार पावरा सह बिरसा ब्रिगेडचे कार्याध्यक्ष रविंद्र वळवी,भारत आदिवासी संविधान सेनेचे प्रदेशाध्यक्ष सतीश ठाकरे, बिरसा फायटर्सचे राज्याध्यक्ष गोपाल भंडारी,भारतीय स्वाभीमानी संघाचे महासचिव रोहीदास वळवी, जिल्हाध्यक्ष पंकज वळवी, नंदुरबार तालुका अध्यक्ष अजय वळवी, सामाजिक कार्यकर्ता दिलीप मुसळदे, ॲडव्होकेट राहूल कुंवर अशा ९ सामाजिक कार्यकर्त्यांना राजकीय सुडापोटी, राजकीय पुढाऱ्यांच्या इशा-यावर व सुपारी घेऊन सुडबद्धीने , भ्रष्ट पद्धतीने अवैध, बेकायदेशीर, अप्रमाणिकपणे आपल्या पदाचा, वर्दीचा, अधिकाराचा दुरूपयोग करून नंदुरबार जिल्हा हद्दपारीची कारवाई करणा-या भ्रष्ट , अकार्यक्षम, आदिवासी विरोधी,गुंड प्रवृत्तीच्या व वादग्रस्त पोलिस अधीक्षक श्रवण दत्त यांनी २ वर्षासाठी नंदुरबार जिल्हा हद्दपाराचा असंवेधानीक व बेकायदेशीर आदेश दिनांक २६/०३/२०२६ रोजी काढला आहे.
पोलीस अधिक्षक श्रवण दत्त यांच्या या बेकायदेशीर कारवाईचा आम्ही बिरसा फायटर्स़ संघटनेकडून जाहीर निषेध व्यक्त करतो.पोलीस अधिक्षक श्रवण दत्त यांचा शहादा ॲडव्होकेट्स बार असोसिएशन शहादा जिल्हा नंदुरबार तर्फे दिनांक ०१/०४/२०२६ रोजी जाहीर निषेध व्यक्त करण्यात आला आहे व पोलिस अधीक्षक श्रवण दत्त यांच्या विरोधात कारवाईसाठी सर्वानुमते ठराव मंजूर करण्यात आला आहे. दिनांक ०२/०४/२०२६ रोजी नंदुरबार जिल्ह्यातील वकील संघाने पोलिस अधीक्षक श्रवण दत्त यांच्या हद्दपार कारवाईचा निषेध व्यक्त करीत कोर्ट कामकाजावर सामूहिक बहिष्कार टाकला आहे.तसेच पोलिस अधीक्षक श्रवण यांच्या विरोधात ठिक ठिकाणी संपूर्ण आदिवासी समाजात आक्रोश व्यक्त करण्यात येत आहे.
नंदुरबार जिल्ह्यातील वरील ९ सामाजिक कार्यकर्त्याची कोणत्याही प्रकारची गुन्हेगारी पार्श्वभूमी नसताना त्यांचे विरूध्द जिल्हा पोलिस अधिक्षक श्री. श्रवणकुमार दत्त एस. यांनी अवैध बेकायदेशीर, अप्रामणिकपणे पदाचा , वर्दीचा व अधिकाराचा दुरूपयोग करून जाणिपुर्वक असद हेतुने प्रेरीत होवून दोन वर्षाकरीता हद्दपार प्रस्ताव त्यांचा विरोधात मंजुर करून बेकायदेशीर कार्यवाही केली आहे. सामाजिक कार्यकर्त्यांचा आवाज बंद करण्यासाठी पोलिस अधीक्षक श्रवण दत्त यांनी ही हेतूपुरस्सर ही हद्दपारीची कारवाई केली आहे.म्हणून पोलिस अधीक्षक श्रवण दत्त यांना तात्काळ सेवेतून बडतर्फ करून नंदुरबार जिल्ह्यातून हकालपट्टी करण्याची मागणी करण्यात आली आहे.
