वासडी (ता. कन्नड) :
Bharatiya Janata Party कन्नड पूर्व मंडळातर्फे ‘पंडित दीनदयाल उपाध्याय महाअभियान २०२६’ अंतर्गत विशेष प्रशिक्षण शिबिराचे आयोजन वासडी येथे उत्साहात पार पडले. संघटन बळकट करणे आणि विकासाचा संकल्प तळागाळापर्यंत पोहोचवणे हा या अभियानाचा मुख्य उद्देश असल्याचे यावेळी स्पष्ट करण्यात आले.
या प्रशिक्षण शिबिराला मार्गदर्शक म्हणून जिल्हा परिषद सदस्य तथा भाजपा प्रदेश कार्यकारिणी सदस्य Dr. Sanjay Gawhane उपस्थित होते. त्यांनी कार्यकर्त्यांना ‘बूथ व्यवस्थापन’ या महत्त्वपूर्ण विषयावर सखोल मार्गदर्शन केले.
मार्गदर्शन करताना ते म्हणाले, “कोणतीही निवडणूक जिंकण्यासाठी बूथ रचना भक्कम असणे अत्यंत गरजेचे आहे. ‘बूथ जिंकले, तर निवडणूक जिंकली’ हे लक्षात ठेवून प्रत्येक कार्यकर्त्याने आपल्या बूथवर सक्रिय राहिले पाहिजे. केंद्र व राज्य सरकारच्या जनहितकारी योजनांची माहिती शेवटच्या घटकापर्यंत पोहोचवणे ही आपली जबाबदारी आहे.”
या शिबिराला पक्षाचे स्थानिक पदाधिकारी, कार्यकर्ते तसेच ग्रामस्थ मोठ्या संख्येने उपस्थित होते. प्रशिक्षणाच्या माध्यमातून कार्यकर्त्यांमध्ये नवचैतन्य निर्माण झाल्याचे दिसून आले. शिबिराच्या यशस्वी आयोजनाबद्दल कन्नड पूर्व मंडळाचे सर्वत्र कौतुक होत आहे.
