कन्नड | प्रतिनिधी :
जिद्द, मेहनत आणि चिकाटीच्या जोरावर ग्रामीण भागातील तरुण-तरुणी विविध क्षेत्रांत आपली ओळख निर्माण करत आहेत. कन्नड तालुक्यातील शेवता येथील कु. वैष्णवी कल्याण पवार हिची Yavatmal Police दलात निवड झाली असून, तिच्या या यशाने गावाच्या शिरपेचात मानाचा तुरा रोवला आहे.
वैष्णवीच्या या यशाची दखल घेत भाजपा प्रदेश कार्यकारिणी सदस्य तथा जिल्हा परिषद सदस्य Dr. Sanjay Gawhane यांनी शेवता येथे भेट देत तिचा सत्कार केला. यावेळी बोलताना त्यांनी सांगितले की, “ग्रामीण भागातील मुलींनी पोलीस दलात निवड होणे ही समाजासाठी अभिमानास्पद बाब आहे. वैष्णवीने इतर मुलींसाठी प्रेरणादायी उदाहरण निर्माण केले आहे.”
या गौरव सोहळ्यावेळी प्रभू जाधव, कार्तिक मामा सोनवणे, सनी ठोळे, भास्कर गायकवाड, रामाहारी पवार, शाम पवार, सोमनाथ पवार, भाऊसाहेब पवार यांच्यासह गावातील अनेक नागरिक उपस्थित होते. उपस्थितांनी वैष्णवीवर शुभेच्छांचा वर्षाव करत तिच्या पुढील वाटचालीस मनःपूर्वक शुभेच्छा दिल्या.
