कन्नड (प्रतिनिधी) :
Vanchit Bahujan Aghadi तर्फे गॅस टंचाईच्या निषेधार्थ कन्नड तहसील कार्यालयासमोर सोमवारी (दि. ६ एप्रिल २०२६) आगळेवेगळे आंदोलन करण्यात आले. कार्यकर्त्यांनी चुलीवर भाकरी टाकून सरकारचा निषेध नोंदवत प्रशासनाचे लक्ष वेधले.
या आंदोलनादरम्यान “नरेंद्र कब मिलेगा सिलेंडर?” अशा घोषणांनी परिसर दणाणून गेला. यावेळी तहसीलदार Sarika Bhagat यांना निवेदन देण्यात आले.
गॅस टंचाईमुळे नागरिकांना प्रचंड त्रास सहन करावा लागत असून, अकोला येथे गॅससाठी रांगेत उभ्या असलेल्या एका व्यक्तीचा मृत्यू झाल्याच्या घटनेचा उल्लेख करत राज्यातील परिस्थिती गंभीर झाल्याचे आंदोलनकर्त्यांनी सांगितले. सरकारचे लक्ष वेधण्यासाठी हे आंदोलन करण्यात आल्याचे त्यांनी स्पष्ट केले.
या आंदोलनात विद्या बाई दिवेकर, मंगल पठारे, धर्मा मोरे, रमेश पगारे, नानासाहेब पगारे, नूर मोहम्मद यांच्यासह अनेक महिला व कार्यकर्ते मोठ्या संख्येने सहभागी झाले होते.
निवेदन स्वीकारताना तहसीलदार सारिका भगत यांनी नागरिकांच्या भावना शासनापर्यंत पोहोचवण्याचे आश्वासन दिले.
