सटाणा | प्रतिनिधी :
मराठा विद्या प्रसारक समाज संचलित जिजामाता गर्ल्स हायस्कूल व ज्युनिअर कॉलेज, सटाणा येथील दोन विद्यार्थिनींची ‘युरेका आयडिया बॉक्स’ स्पर्धेत निवड झाली असून शाळेच्या शिरपेचात मानाचा तुरा रोवला आहे.
मविप्र माजी विद्यार्थी संघटना व टी.डी.के. कंपनी यांच्या संयुक्त विद्यमाने जिल्हाभरात आयडिया बॉक्स स्पर्धा आयोजित करण्यात आली होती. या स्पर्धेत सुमारे ३३०० कल्पना प्राप्त झाल्या होत्या. त्यापैकी १२० कल्पना बक्षीसपात्र ठरल्या असून, त्यामध्ये जिजामाता गर्ल्स हायस्कूलच्या कुमारी अनुष्का अनिल निकम व अनुष्का हंसराज वाघ या विद्यार्थिनींची उत्कृष्ट कल्पनांसाठी निवड करण्यात आली.
या यशाबद्दल विद्यालयाच्या प्राचार्या श्रीमती देवरे जे.बी. मॅडम, उपमुख्याध्यापक दाणी वाय.पी. सर, पर्यवेक्षक पवार डी.डी. सर तसेच मोरे के.पी. सर यांनी विद्यार्थिनींचे अभिनंदन केले. विद्यार्थिनींना पवार व्ही.एच. मॅडम आणि विज्ञान शिक्षकांचे मार्गदर्शन लाभले.
या दोन्ही विद्यार्थिनी आता पुढील कार्यशाळेत सहभागी होणार असून, त्यांच्या यशाबद्दल शाळेतील शिक्षक व शिक्षकेतर कर्मचाऱ्यांकडून त्यांचे कौतुक करण्यात येत आहे.
