रिसोड (प्रतिनिधी) : शहरात वाढत्या गॅस टंचाईच्या समस्येविरोधात वंचित बहूजन आघाडीच्या कार्यकर्त्यांनी सोमवारी तहसील कार्यालयासमोर अनोख्या पद्धतीने आंदोलन करत प्रशासनाचे लक्ष वेधले.
या आंदोलनादरम्यान कार्यकर्त्यांनी तहसील कार्यालयासमोर प्रत्यक्ष चूल पेटवून भाकरी थापत आपला निषेध नोंदवला. गॅस सिलिंडरचा तुटवडा आणि नागरिकांना भेडसावणाऱ्या अडचणी याकडे प्रशासनाचे दुर्लक्ष होत असल्याचा आरोप यावेळी करण्यात आला.
यानंतर आंदोलनकर्त्यांनी तहसीलदारांना निवेदन देऊन गॅस पुरवठा सुरळीत करण्याची मागणी केली. या आंदोलनात वंचित बहूजन आघाडीचे तालुकाध्यक्ष, कार्यकर्ते तसेच नागरिक मोठ्या संख्येने उपस्थित होते.
