दरेगाव (प्रतिनिधी) : दरेगाव येथे भक्तिमय वातावरणात पाच दिवसीय कीर्तन महोत्सवाचे आयोजन करण्यात आले असून हा महोत्सव दिनांक १० एप्रिलपासून सुरू होऊन १४ एप्रिलपर्यंत रंगणार आहे.
या कीर्तन महोत्सवात परिसरातील नामवंत कीर्तनकारांची सुश्राव्य कीर्तने होणार आहेत. यामध्ये ह.भ.प. गोविंद महाराज शिंदे (धाराशिव), ह.भ.प. मानकर महाराज (हिवरा गडलिंग), ह.भ.प. तुकाराम महाराज जायभाय (बोराखेडी) तसेच ह.भ.प. अनिल महाराज (शेंदुर्जन) यांचा समावेश आहे.
या धार्मिक सोहळ्यामुळे गावात भक्तीमय वातावरण निर्माण होणार असून भाविकांसाठी आध्यात्मिक मेजवानी ठरणार आहे. महोत्सवात मोठ्या संख्येने भाविक उपस्थित राहण्याची अपेक्षा व्यक्त करण्यात येत आहे.
या महोत्सवाच्या यशस्वी आयोजनासाठी सागर महाराज तुपकर, अशोक महाराज, समाधान महाराज कोरणे, परमेश्वर जाधव, नरहरी बंगाळे, बबन जायभाय यांच्यासह अनेक मान्यवरांचे सहकार्य लाभत आहे.
तरी परिसरातील सर्व भाविक भक्तांनी या कीर्तन महोत्सवाचा लाभ घ्यावा, असे आवाहन आयोजकांकडून करण्यात आले आहे.
