कुंडलवाडी (प्रतिनिधी) : कुंडलवाडी शहरात भारतीय जनता पार्टी चा स्थापना दिन अत्यंत उत्साहपूर्ण वातावरणात साजरा करण्यात आला. या कार्यक्रमामुळे शहरात राजकीय व सामाजिक वातावरणात सकारात्मक ऊर्जा निर्माण झाल्याचे चित्र पाहायला मिळाले.
या सोहळ्याचे नेतृत्व नगराध्यक्षा सौ. प्रेरणाताई गजानन कोटलावर यांनी केले. त्यांच्या मार्गदर्शनाखाली उपनगराध्यक्षा सौ. नेहा ताई शैलेश ऱ्याकावार आणि मंडळ अध्यक्ष नरेश (बंटी) ठक्कुरवार यांनी कार्यक्रमाची प्रभावी आखणी केली.
कार्यक्रमादरम्यान मान्यवरांच्या हस्ते पक्षाचा ध्वज फडकावण्यात आला. तसेच अनेक नागरिकांनी आपल्या घरांवर पक्षाचा झेंडा लावून उत्स्फूर्त सहभाग नोंदवला, ज्यामुळे संपूर्ण शहरात उत्सवी वातावरण निर्माण झाले.
या कार्यक्रमाचे मुख्य आकर्षण म्हणजे तब्बल ७५ नव्या कार्यकर्त्यांचा पक्षप्रवेश. नव्या कार्यकर्त्यांनी “सबका साथ, सबका विकास, सबका विश्वास” या घोषवाक्याला पाठिंबा देत पक्षनिष्ठा व्यक्त केली.
यावेळी प्रमुख वक्ते म्हणून अरविंद ठक्कुरवाड, आबाराव संगनोड, जिल्हा युवा मोर्चा अध्यक्ष संदीप रामपुरे, चंद्रशेखर सावळीकर आणि महिला शहर अध्यक्षा अंजूताई दाचावार यांनी मार्गदर्शन केले. त्यांनी पक्षाची कार्यपद्धती, विकासाची दिशा आणि जनतेशी असलेले नाते यावर प्रकाश टाकला.
कार्यक्रमाला शहरातील नगरसेवक, पदाधिकारी, पत्रकार बांधव तसेच मोठ्या संख्येने नागरिक उपस्थित होते. सूत्रसंचालन नगरसेविका प्रतिनिधी व पत्रकार अमरनाथ कांबळे यांनी केले.
नगराध्यक्षा प्रेरणाताई कोटलावर यांच्या नेतृत्वाखाली कुंडलवाडी शहरात विकासकामांना गती मिळत असल्याचे समाधान नागरिकांनी व्यक्त केले.
