ओम साई प्रतिष्ठान या सामाजिक संस्थेच्या वतीने वैद्यकीय साहित्य कक्षाचे प्रमुख मंगेश चिवटे यांची सदिच्छा भेट घेण्यात आली. या भेटीदरम्यान संस्थेच्या विविध सामाजिक उपक्रमांबाबत सविस्तर चर्चा करण्यात आली. विशेषतः आरोग्यविषयक उपक्रम, गरजू रुग्णांना आवश्यक वैद्यकीय साहित्य उपलब्ध करून देणे तसेच समाजातील दुर्बल घटकांपर्यंत आरोग्य सेवा पोहोचविण्याच्या दृष्टीने संस्थेच्या कार्याचे कौतुक करण्यात आले.
यावेळी शेगाव ते जत NH 965G या राष्ट्रीय महामार्गावरील वाढत्या वाहतुकीमुळे अपघातांचे प्रमाण वाढत असल्याबाबतही चर्चा करण्यात आली. यासंदर्भात संबंधित भारतीय राष्ट्रीय राजमार्ग प्राधिकरण विभागाला फोनद्वारे सूचना देत तात्काळ लक्ष देण्याची गरज व्यक्त करण्यात आली.
मा. मंगेश चिवटे यांनी संस्थेच्या कार्याला शुभेच्छा देत पुढील उपक्रमांसाठी मार्गदर्शन केले आणि समाजसेवेच्या कार्यात सातत्य ठेवण्याचे आवाहन केले. ही सदिच्छा भेट संस्थेसाठी प्रेरणादायी ठरली असून भविष्यात अधिक व्यापक स्वरूपात सामाजिक व आरोग्यविषयक सेवा देण्याचा निर्धार व्यक्त करण्यात आला.
या प्रसंगी शिवसेनेचे जिल्हाप्रमुख संजय बापू विभूते, सांगली-मिरज-कुपवाड महानगरपालिका प्रमुख मोहन व्हानखंडे, वैद्यकीय सहाय्यक कक्षाचे जिल्हाप्रमुख श्रेयश गाडगीळ तसेच ओम साई प्रतिष्ठानचे संस्थापक समाधान माने, अध्यक्ष चंद्रकांत शिंदे, दीपक बुरुटे, शिवकुमार शिंदे, नवनाथ गुरव आदी मान्यवर उपस्थित होते.
