तालुका प्रतिनिधी : | कन्नड
रेल-नावडी विविध कार्यकारी सेवा सहकारी संस्थेतर्फे जिल्हा मध्यवर्ती सहकारी बँकेच्या निवडणुकीसाठी बाबासाहेब मुरकुंडे यांची निवड करण्यात आली. या निवड प्रक्रियेत मुरकुंडे यांनी ६ विरुद्ध ५ मतांनी विजय मिळवला.
संस्थेच्या एकूण १३ सभासदांपैकी २ सभासदांचे निधन झाल्यामुळे ११ सदस्यांच्या उपस्थितीत ही निवड प्रक्रिया पार पडली. सभेचे अध्यक्षस्थान श्री. मच्छिंद्र आसाराम थेटे यांनी भूषवले.
मतदान प्रक्रियेत सहभागी झालेले सभासद नानासाहेब देवराव बोडखे, धनसिंग टीकाराम राठोड, नामदेव श्रीपतराव मुरकुंडे, माधवराव बारकू जाधव, तसेच शेख अन्वर शेख याकूब यांच्या उपस्थितीत ठराव मंजूर करण्यात आला.
या सभेचे कामकाज सचिव श्री. काझी साहेब यांनी पाहिले. निवड जाहीर झाल्यानंतर बाबासाहेब मुरकुंडे यांचे सर्व उपस्थितांकडून अभिनंदन करण्यात आले.
