प्रतिनिधी : भगवान देवकर
काळी दौ येथे विश्वरत्न डॉ. बाबासाहेब आंबेडकर यांच्या जयंतीनिमित्त तसेच सार्वजनिक ठिकाणी भोंग्यांच्या वापरासंदर्भात शांतता बैठकीचे आयोजन करण्यात आले. या बैठकीत सामाजिक सलोखा आणि कायदा-सुव्यवस्था राखण्यावर विशेष भर देण्यात आला.
या बैठकीस SDOP श्री. हर्षवर्धन बीजे यांनी अध्यक्षस्थान भूषवले. यावेळी ग्रामीण पोलीस स्टेशनचे पोलीस निरीक्षक श्री. सुरेंद्र राऊत, उपनिरीक्षक श्री. राहुल देशमुख, काळी गावचे पोलीस पाटील, तंटामुक्ती समितीचे अध्यक्ष तसेच डॉ. बाबासाहेब आंबेडकर जयंती उत्सव समितीचे पदाधिकारी उपस्थित होते.
बैठकीस महिलांसह परिसरातील नागरिक मोठ्या संख्येने सहभागी झाले होते. जयंती उत्सव शांततेत आणि उत्साहात साजरा व्हावा, यासाठी सर्वांनी सहकार्य करण्याचे आवाहन यावेळी करण्यात आले.
