वाघोदा खुर्द | प्रतिनिधी : निखिल पदमे
आदिवासी कोळी बहुउद्देशीय शिखर संस्था, रावेर यांच्या वतीने दि. ७ एप्रिल २०२६ रोजी वाघोदा खुर्द येथे विशेष बैठकीचे आयोजन करण्यात आले. या बैठकीत रावेर तालुक्यातील सामाजिक आणि संघटनात्मक मुद्द्यांवर सविस्तर चर्चा झाली.
बैठकीत संस्थेचा प्रचार-प्रसार कसा वाढवावा, सदस्यसंख्या वाढीसाठी कोणत्या उपाययोजना राबवाव्यात, तसेच निवडणूक आयोगाशी संबंधित SRI याद्यांबाबत चर्चा करण्यात आली. महत्त्वाच्या निर्णयांपैकी एक म्हणजे आगामी जनगणनेत आदिवासी समाजाची नोंद “टोकरे कोळी” म्हणून व्हावी, यासाठी संपूर्ण रावेर तालुक्यात व्यापक जनजागृती करण्याचा सर्वानुमते निर्णय घेण्यात आला.
यासोबत, संस्थेचे सल्लागार अशोक कोळी यांच्या चिरंजीवांना पुणे येथे आयटी क्षेत्रात उच्च पदावर निवड झाल्याबद्दल सत्कार करण्यात आला.
बैठकीस संस्थेचे संचालक मंडळ व जेष्ठ सभासद मोठ्या संख्येने उपस्थित होते. यामध्ये श्री. संतोष सपकाळे (आप्पा सिंगत), श्री. हरिलाल भाऊ कोळी (कांडवेल), अध्यक्ष मनोहर कोळी (सुलवाडी), उपाध्यक्ष विनोद कोळी (शिवा भाईजी, पुनखेडा), सचिव योगेश्वर कोळी, सुभाष सपकाळे (सर, सुनोदा), विनोद कोळी (नेहता), गोपाळ कोळी (खिरवड), विक्की कोळी (चोरवड), भुषण तायडे (रावेर), ईश्वर कोळी (चिनावल), अशोक कोळी (वाघोदा खुर्द), सुपडु कोळी (थोरगव्हाण), शरद कोळी (आंदलवाडी), विजय कोळी (अजनाड) आदी मान्यवरांचा समावेश होता.
याशिवाय वाघोदा खुर्द येथील चुडामण सपकाळे, चिराग कोळी, बाळु कोळी, दिपक कोळी, तुषार कोळी, दिपक तायडे, रवींद्र कोळी, राजेंद्र कोळी, शंकर कोळी, धोंडु कोळी, कैलास सपकाळे (सुनोदा), तुळशीराम सपकाळे (मस्कावद) यांसह संपूर्ण आदिवासी टोकरे कोळी समाजाचे बांधव मोठ्या संख्येने उपस्थित होते.
या बैठकीत घेतलेल्या निर्णयामुळे रावेर तालुक्यात टोकरे कोळी समाजाची ओळख अधिक स्पष्ट होईल आणि समाजाच्या अधिकारांसाठी पुढाकार घेणे सुलभ होईल, असा विश्वास व्यक्त केला जात आहे.
