जालना (प्रतिनिधी):
भारतीय राष्ट्रीय काँग्रेस पक्षाच्या जालना महानगरपालिकेतील सात नगरसेवकांवर पक्षविरोधी कारवाई करण्यात आली आहे. स्वीकृत सदस्य निवडीच्या वेळी भाजपला उघडपणे मदत केल्याचा आरोप त्यांच्यावर ठेवण्यात आला आहे.
ही कारवाई काँग्रेसचे प्रांताध्यक्ष हर्षवर्धन सपकाळ यांनी केली असून संबंधित नगरसेवकांना पक्षातून निलंबित करण्यात आले आहे. जालना महानगरपालिका येथील राजकीय वर्तुळात या निर्णयामुळे मोठी खळबळ उडाली आहे.
निलंबित करण्यात आलेल्या नगरसेवकांची नावे पुढीलप्रमाणे आहेत — फरूक सावीक हुंडीवाले, इम्रान खान आमानुल्ला खान, फरहाना अ. रऊफ अंसारी, सुनिल अशोक बोरडे, मयूरी दिनेश दैने, जबीना मजीद पठाण आणि अनिल अशोक तिरुखे.
दिनांक 01/04/2026 रोजी पक्षाकडून पत्राद्वारे ही कारवाई करण्यात आल्याची माहिती देण्यात आली आहे. पक्षविरोधी भूमिका घेतल्याच्या आरोपामुळे ही कठोर शिस्तभंग कारवाई करण्यात आल्याचे सांगितले जात आहे.
या घटनेनंतर जालना शहरातील राजकीय वातावरण तापले असून पुढील घडामोडींकडे सर्वांचे लक्ष लागले आहे..
