खर्डी : डबल महाराष्ट्र केसरी पटकावणारे पैलवान हर्षवर्धन सदगीर यांचा शहापूर तालुक्यातील खर्डी नाक्यावर भव्य आणि जंगी सत्कार सोहळा मोठ्या उत्साहात संपन्न झाला. या कार्यक्रमाचे आयोजन श्री कृष्ण कानडी समाज खर्डी विभाग यांच्या वतीने करण्यात आले होते.
यावेळी श्री कृष्ण कानडे खर्डी विभाग यांच्या कडून तसेच ग्रामस्थांच्या वतीने हर्षवर्धन सदगीर यांचा पुष्पहार व शाल-श्रीफळ देऊन जंगी सत्कार करण्यात आला. खर्डी उपसरपंच प्रशांत खर्डीकर व उद्योजक गणेश राऊत , दिलीप विनायक अधिकारी ( आबा), प्रकाश सांडे, दिनेश सदगीर उद्योजक शैलेश खर्डीकर खर्डी नाक्यावरचे जाधव डॉक्टर बाळू घरत यांच्या उपस्थितीत हा सोहळा पार पडला. कार्यक्रमाला अनेक राजकीय पुढारी आणि मान्यवरांचीही उपस्थिती होती.
उपस्थितांनी हर्षवर्धन सदगीर यांच्या उल्लेखनीय कामगिरीचे कौतुक करत त्यांच्या जिद्द, मेहनत आणि विशेष अभिनंदन केले. त्यांनी मिळवलेला डबल केसरी किताब हा संपूर्ण खर्डी परिसरासाठी अभिमानाची बाब असल्याचे नमूद करण्यात आले.
या जंगी सत्कार सोहळ्यास ग्रामस्थांनी मोठ्या संख्येने उपस्थिती लावून कार्यक्रमाला उत्स्फूर्त प्रतिसाद दिला. – आणि जल्लोषात त्यांचे स्वागत करण्यात आले,
कार्यक्रमाच्या यशस्वी आयोजनासाठी श्री कृष्ण कानडे समाज , खर्डी विभाग तसेच सर्व ग्रामस्थांनी मोलाचे सहकार्य केले. शेवटी आभार प्रदर्शन करून कार्यक्रमाची
सांगता करण्यात आली.
खर्डी प्रतिनिधी सगीर शेख
