ढवळी (ता. मिरज, जि. सांगली) : सांगली प्रतिनिधी-बंडू सुरेंद्र कणिरे
ग्रामीण भागातील विद्यार्थ्यांनी पुन्हा एकदा आपली गुणवत्ता सिद्ध करत उल्लेखनीय यश मिळवले आहे. ढवळी येथील जिल्हा परिषद शाळेच्या इयत्ता सहावीच्या विद्यार्थ्यांनी सांगली शिक्षण संस्थेमार्फत घेण्यात आलेल्या TSE (Talent Search Examination) परीक्षेत घवघवीत यश संपादन केले.
या परीक्षेत कु. शिवानी बंडू अकिवाटे हिने 300 पैकी 276 गुण मिळवत अव्वल स्थान पटकावले. चि. प्रथमेश सुधीर मगदूम (250), चि. अर्णव गणपती कोळी (226), कु. वेदिका प्रकाश गौराजे (214), चि. सार्थक संदीप पाटील (206), कु. आरोही मिलिंद कामत (196), चि. कीर्तीराज अजित चौगुले (186), चि. आदित्य दादासो वन्नुरे (170) आणि चि. संस्कार संदीप हुलवान (134) यांनीही उल्लेखनीय यश मिळवत शाळेचा आणि गावाचा गौरव वाढवला.
मर्यादित साधनसामग्री असूनही विद्यार्थ्यांनी जिद्द, मेहनत आणि शिक्षकांच्या मार्गदर्शनाच्या जोरावर ही कामगिरी साध्य केली आहे. ग्रामीण भागातील विद्यार्थ्यांची ही यशोगाथा इतरांसाठी प्रेरणादायी ठरत आहे.
या यशाबद्दल सर्व विद्यार्थ्यांचे, त्यांच्या पालकांचे आणि शिक्षकवर्गाचे सर्वत्र कौतुक होत असून भविष्यातही अशीच उज्ज्वल कामगिरी करण्याचा विश्वास व्यक्त केला जात आहे. 🚀
