पनवेल:- ता. प्रतिनिधी(श्रीनाथ दत्तात्रेय लाड)-
पनवेल महानगरपालिकेची स्थायी समितीची सभा दिनांक (09 एप्रिल )रोजी आद्य क्रांतीवीर वासुदेव बळवंत फडके नाट्यगृहातील तिसऱ्या मजल्यावरील बैठक कक्षात स्थायी समिती सभापती बबन मुकादम यांच्या अध्यक्षतेखाली घेण्यात आली. यावेळी विविध विषयांना मंजूरी देण्यात आली.
यावेळी स्थायी समितीचे सर्व सदस्य, परिवहन व्यवस्थापक कैलास गावडे, महापालिका सचिव नानासाहेब कामठे, उपायुक्त डॉ. वैभव विधाते, उपायुक्त प्रसेनजित कारलेकर, उपायुक्त स्वरूप खारगे, मुख्य लेखाधिकारी निलेश नलावडे, कार्यकारी अभियंता सुधीर साळुंखे, उपसचिव अक्षय कदम तसेच महापालिका अधिकारी व कर्मचारी उपस्थित होते.
यावेळी पनवेल महानगरपालिका हद्दीतील सार्वजनिक ठिकाणी रंगरंगोटी व ग्राफिटी करण्याचा विषय मंजूर करताना कंत्राटदाराला 20 टक्के रक्कम कपात करून रक्कम देण्याबाबत सभापतींनी सूचित केले.
पनवेल महानगरपालिकेतील संगणक, नेटवर्क आणि इतर संगणकीय साहित्याचे कामकाज, निगा-दुरूस्ती व देखभाल करण्याच्या विषयास मंजूरी देण्यात आली.
विविध विभागांच्या मागणीनुसार भाडेतत्वावर उपलब्ध करून घेणेत आलेल्या जागांना भाडेपट्टा मुदतवाढ देण्याच्या विषयावर चर्चा करण्यात आली. यामधील एकुण सात जागांपैकी आवश्यक चार जागांना भाडेपट्टा मुदतवाढ देण्यात आली.
पनवेल महानगरपालिका हद्दीतील प्रभाग समिती ‘अ’ प्र.क्र.१ कोयनावेळे व घोट या गावांना जोडणाऱ्या रस्त्यावरील तळोजा नदीवरील पुलाचे बांधकाम करण्याच्या विषयास स्थायी समितीने मंजूर दिली.
पनवेल महानगरपालिका हद्दीतील प्रभाग समिती-अ, प्रभाग क्र-१ मधील करवले या गावाला पायाभूत सुविधा पुरविणेचे उर्वरित काम करण्याचा विषय सभेत मंजूर करण्यात आला.
अतिक्रमण , अनधिकृत बांधकाम निष्कासन करणेकामी अतिरीक्त १११ मनुष्यबळ उपलब्ध करुन घेणेकामी कार्यादेश निर्गमित करण्याच्या विषयावरती चर्चा करून सदरचा मंजूर करण्यात आला.
पनवेल मार्गाजवळ पनवेल महानगरपालिका हद्दीतील अंतिम भुखंड क्र.५०६, पनवेल बाजुने ते करंजाडे मलः निस्सारण उदंचन केंद्राजवळ गाढी नदीवर नविन पुल बांधण्याच्या विषयास यावेळी सर्वानुमते मंजूरी देण्यात आली.
पनवेल महानगरपालिका हद्दीतील पोदी, सेक्टर-१६ नवीन पनवेल (पूर्व) येथील ना-दुरुस्त फुटपाथ दुरुस्त करण्याच्या विषयास सभापतींनी मंजूरी दिल.
