श्रीराम जन्मोत्सवानिमित्त श्रीराम मंदिरात महाप्रसाद वाटप

जळकोट रोड : प्रतिनिधी

श्रीराम जन्मोत्सवानिमित्त श्रीराम मंदिर, जळकोट रोड येथे दरवर्षीप्रमाणे याही वर्षी भाविक भक्तांसाठी महाप्रसाद कार्यक्रम मोठ्या उत्साहात पार पडला.

दिनांक 26/03/2026 रोजी झालेल्या या कार्यक्रमात हजारो भाविक श्रीरामाच्या दर्शनासाठी मंदिरात दाखल झाले होते. आलेल्या सर्व भाविकांना छत्रपती शिवाजीराजे चॅरिटेबल ट्रस्ट आणि छावा मराठा संघटनेच्या वतीने अन्नदान व पाणी वाटप करण्यात आले.

या उपक्रमाचे आयोजन छावा संघटनेचे राम उद्देश आणि राहुल उर्फ आकाश पाटील यांच्या सहकार्यातून करण्यात आले. कार्यक्रमादरम्यान भाविकांसाठी सुव्यवस्थित महाप्रसाद वितरणाची व्यवस्था करण्यात आली होती.

कार्यक्रमास छावा संघटनेचे युवक प्रदेशाध्यक्ष प्रा. राजेश चव्हाण, जिल्हाध्यक्ष विशाल देवणे, संतोष कारभारी, सतीश पाटील, सुनील पाटील, प्रदीप जाधव तसेच छत्रपती शिवाजी राजे चॅरिटेबल ट्रस्टचे अध्यक्ष उत्तम बिरादार, एकनाथ सगर, संदीप बिरादार, चंदू गटडे, कृष्णा भोसले, उमाकांत स्वामी, बबन बिरादार, अशोक गुरसुडकर, के. व्ही. सर आणि प्रदीप काकनाले आदी मान्यवर उपस्थित होते.

दरवर्षीप्रमाणे याही वर्षी हा महाप्रसाद कार्यक्रम यशस्वीरीत्या पार पडल्याने भाविकांनी समाधान व्यक्त केले.