जक्कोट (प्रतिनिधी) : जक्कोट तालुक्यातील कोळनूर येथील सुपुत्र ज्ञानेश्वर अविनाश चोले यांनी कठोर परिश्रम, जिद्द आणि अभ्यासाच्या जोरावर महाराष्ट्र लोक सेवा आयोग मार्फत घेण्यात आलेली परीक्षा उत्तीर्ण करून पोलीस उपनिरीक्षक (PSI) पदावर झेप घेतली आहे. त्यांच्या या यशामुळे संपूर्ण गावाचे नाव उज्ज्वल झाले आहे.
ज्ञानेश्वर चोले यांच्या या यशाबद्दल कोळनूर गावात आनंदाचे वातावरण असून ग्रामस्थांकडून त्यांच्यावर अभिनंदनाचा वर्षाव होत आहे. त्यांच्या यशामुळे गावातील तरुणांमध्ये प्रेरणा निर्माण झाली आहे.
यावेळी आयोजित सत्कार सोहळ्यात पोलीस निरीक्षक श्रीराम माचावार, जनार्दन चोले, सरपंच संध्या ताई चोले, उपसरपंच तुळीराम पांचाळ, पत्रकार राम माऊ चोले, प्रशांत चोले, बाळासाहेब शिवशेटे, सुरेश चोले, तात्याराव चोले, धनंजय येलमेवार, भगवान नरवटे, रावसाहेब नरवटे, विनायक हाडेबाग तसेच ‘सारथी महाराष्ट्रा’चे प्रतिनिधी संजय कलवले आदी मान्यवर उपस्थित होते.
