नांदगाव खंडेश्वर (प्रतिनिधी) : नांदगाव खंडेश्वर शहरातील काँग्रेस पक्षाचे कार्यकर्ते तन्वीर पटेल यांची काँग्रेस पक्षाच्या सोशल मीडिया शहर प्रमुखपदी नियुक्ती करण्यात आली आहे. महाराष्ट्र प्रदेश काँग्रेस कमिटी, टिळक भवन, दादर (मुंबई) येथून जारी अधिकृत आदेशानुसार ही नियुक्ती करण्यात आली असून प्रदेशाध्यक्ष हर्षवर्धन सपकाळ यांच्या निर्देशानुसार सोशल मीडिया संघटनेचा विस्तार करण्यात आला आहे.
तन्वीर पटेल हे गेल्या आठ ते दहा वर्षांपासून काँग्रेस पक्षात एकनिष्ठेने कार्यरत असून धामणगाव विधानसभा मतदारसंघाचे माजी आमदार प्रा. विरेंद्र जगताप यांच्या नेतृत्वाखाली विविध आंदोलनांमध्ये त्यांनी सक्रिय सहभाग नोंदवला आहे. पक्षाच्या शहरातील जडणघडणीतही त्यांचा मोलाचा वाटा राहिला आहे.
सोशल मीडियाच्या माध्यमातून जनतेचा आवाज प्रभावीपणे पोहोचवण्यासाठी तन्वीर पटेल यांची निवड करण्यात आल्याचे पक्षाकडून सांगण्यात आले.
या नियुक्तीबद्दल तन्वीर पटेल यांनी युवक काँग्रेस प्रदेश महासचिव परीक्षित जगताप तसेच अमोल ढवसे यांचे आभार मानत ही जबाबदारी प्रामाणिकपणे पार पाडण्याचा विश्वास व्यक्त केला आहे.
